Obama

Obama ten se oportunidadi di faze Istória na Direitus Umanu
Jimmy Carter
Quarta-fera, 10 di Dezenbru di 2008; Páj. A25
Avansu di Direitus Umanu na mundu interu era primeru-pedra na edifikason di pulítika stranjeru di Stadus Unidu duranti dékadas, ate atakis ki atinji nos país na 11 di Setenbru di2001.
Dipos di 2001, demokrasia y liberdadi kontinua ta ser un bandera pa povu di Merka ma atus di nos Governu djuda kaba ku luta pa liberdadi, na txeu parti di mundu. Kandu reveladu kes abuzu kometidu na Abu Ghraib y Guantánamo, kel ora Stadus Unidu perde se fama di kanpion di Direitus Umanu y tanbê nos kapasidadi di papia ku kredibilidadi sobri es asuntu fundamental ki e direitus umanu, sen konta ki nos ganha fama di opresoris. Dun manera trájiku, na mundu interu no ti asisti un retrosesu na avansu di demokrasia y direitus di ativistas di Direitus Umanu, es ki vira alvu di atakis.
Avansu di Direitus Umanu y demokrasia e mestidu pa stabilidadi di mundu y so pode konsigi-l ku sforsu di tudu algen djuntu ku ativistas. Es ki jeralmenti ta trabadja, es so, pa atua na ses lokal di asãu undi es ta papia kontra injustisa y opreson. Kes li e inisiativas ki Stadus Unidu deve ser primeru enkoraja pa bai pa frenti, y nunka poi obstákulu na ses avansu. Si kes primeru alerta dadu pa ativistas di Direitus Umanu ta teneba atenson di Governu y leva mobilizason di diplomasia y interven na tenpu sertu, kes atus di barbaridadi ki no ta odja na Bósnia, Ruanda, Sudãu, Darfur y Kongu Demokrátiku podeba ser evitadu.
Oji e dia di 60 anu di Deklarason Universal di Direitus Umanu. Gosi, sa ta txiga na Kasa Branka un novu Governu y un novu visãu, Merka ten un oportunidadi pa ben muda divera y rekupera autoridadi moral ki sta na bazi di movimentu di Direitus Umanu. Mas, primerus passu debe ser dadu li, na Merka.
Prezidenti-eleitu Barak Obama konpromete fitxa Guantánamo y kaba ku torturas. Pa konkretiza kel promesa li, el ten so ki da un orden dpa fitxa kel prizon la, y reforsa proibison di atus di torturas pa ofisial merkanu, uki ta inklui ajentis di FBI y CIA. Tanbê, prende pesoa de manera sukundidu o sen limiti di tenpu, e un prátika ki ten ki termina. Kes kazu li, es ten ki ser levadu pa nos tribunal, ki dja prova ki es e konpetenti pa faze julgamentu di kazus di terrorismu. Dipos, debe kriadu un komison di spesialistas independenti pa konduzi un inkéritu sobri prátikas ligadu ku prizon ilegal, tortura, detensãu sukundidu, rendison extraordináriu, inkunprimentu di habeas corpus y otus asuntu des tipu. Si nos rekonhese frenti di mundu interu ma no erra, keli e un atu ki ta leva mundu kredita ma no kre ser "un union mas perfeitu " – un mensaji ki ta ba ser obidu na mundu interu. Djuntu, kes inisiativa li ta ba apoia nos propózitu di rekupera prinsípius ki Merka ta defende y tanbê anima ken ki kre odja ses sosiedadi, ses país ta sigi prínsipius moral mas firmi.
Si Stadus Unidu konsigi poi orden dentu di se kaza, el pode reklama kel autoridadi moral y kel kpital polítiku ma kredibilidadi ki el presiza pa, di forma franku y ku respeitu, komesa diálogu sobre proteson di Direitus Umanu inkuanti bazi ki ta sustenta paz y prosperidadi na mundu interu. Defensoris di Direitus Umanu ki sta reunidu na Carter Center duranti es semana – es ben di mundu interu pa nos konferênsia anual –, es sta ku tud ses fé na Governason di Obama. Na Pakistãu, ken ki kre se país ta sigi prínsipius moral mas firmi, es sta ku odju na nos, ta spera nos apoiu pa rekupera forsa di lei ki Pervez Musharraf destrui kandu el enfrakesi Supremu Tribunal, ku adjuda di anterior Governu di Stadus Unidu.
Defensoris di Direitus Umanu na Ejitu ki ta luta pa demokrasia na país, es sta spera ki Stadus Unidu ta inpenha na djuda-s konduzi eleison livre y justu, pa termina ku persegison di governu kontra kandidatus di opozison.
Tudu Médiu Orienti sta ku speransa ma Stadus Unidu ta konduzi un inisiativa persisitenti pa djuda da un soluson na konflitu Israel-Palestina, ki pa es rejion e un prisma ki ta sirvi pa midi kantu valor ki Stadus Unidu ta da Direitus Umanu.
Na Kongu Demokrátiku, flajeladu pa gerra, ativistas di Direitus Umanu tudu dia ameasadu na ses vida, sa ta spera ma Stadus Unidu ta presiona aliadus na Ruanda y Uganda pa retira ses soldadu ki sta ta apoia violensa na kel país. Nos tudu sta di akordu ma reprezentatntis di Stadus Unidu debe ser reorientadu pa torna un forsa ki ta proteji Direitus Umanu, nun konbati global pa paz, ki ten ki envolve mundu interu.
Forsa moral di Stadus Unidu ten sidu un kapital imensu. Nos próximu prezidenti ten gosi un oportunidadi, ki ka podi perde, pa da un izenplu. Un izenplu ki ta sirbi di inspirason y ki ta enkoraja tudu algen ki ta prokura liberdadi . Pa da un izenplu di firmeza y forsa kontra tudu algen ki sa ta poi obstákulu na kaminhu di liberdadi. Na kel Povu di Merka ten ki da tudu ses apoiu na ns Prezidenti.
Skritu pa 39º prezidenti di Stadus Unidu, ki tanbê e fundador di Carter Center, ONG ki ta defende progresu di paz y di saúdi na mundu interu.

katamaran

VIAJA DE/DI PALAVRAS

1. Oje/i no ta fala de/i...KATAMARAN
(ES IDEA LI, EL NASE KONDE M TA TA VIAJA DE PORTE NOVE PA SONSENTE Y M TIVE KE OPTA ENTRE UN KATAMARAN Y ...XPERA MAS UN DIA)
KE MANERA no ta xkreve katamaran?
Na kriol, língua kabuverdiane, ka ten dilema, no ta xkreve-l sima no ta dze-l: katamaran. Y es li ka e un idiosinkrasia de kriol. Ten otes linga ke ten un xkrita próxime de fala. Uns, sima bahasa indonéziu, malai, tétun, es kmesa ta xkreve grinhasin. Otes, sima xines, alemon, es kmesa ta faze un adaptason pa alfabetu latinu ke ta inklui prinsípiu de relason biunívoku entre fonema y grafema. Pur izenple: letra k ta reprezenta son k, ke na linga sima portuges, franses o ingles ta reprezentòde pa grafemas (o: letras) c, k e qu. Aliás, na franses y na ingles ten mas um dígrafe, ch (chronique, chronicle).
Pa reprezenta un son oklusive velar surde, no ten na kriol un grafema so: k.
8.5.008

Viagens

VIAGENS DE PALAVRAS
1. Hoje sobre...KATAMARÃ
INFERE-SE que seja um estrangeirismo como kart (anglicismo), karaté (do japonês, crê-se) e não uma palavra da língua materna/nacional, como carpinteiro, carta. Por isso há muitos que não escrevem, como devem, catamarã. Esta a palavra, na língua tâmul, que se escreveu pela primeira vez, em língua ocidental, para designar a embarcação de pouca boca e grande comprimento usada nos mares do sul da Índia. A primeira abonação, catamarão, é de 1687, quando o Padre Fernão de Queirós publica o livro Conquista de Ceilão, sobre a sua missionação na terra que Camões chamou Taprobana, o actual Sri Lanka. Do português, a palavra terá passado ao francês, onde a primeira abonação, catimaran, é de 1699, que terá passado ao inglês. Hoje tanto em inglês como em francês escreve-se catamaran.
Pelas mesmas razões que justificam que se “deve” escrever catamarã ou catamaran, nas línguas europeias, justifica-se que em línguas que começam agora a ser escritas, como o bahasa indonésio, o malaio, etc. ou nas línguas que começam a fazer uma adaptação ao alfabeto latino e além disso, procuram estabelecer uma relação tanto quanto possível, biunívoca entre fonema e grafema, se siga coerentemente o princípio de que a letra k represente o som k, que no português temos representado pelos grafemas (ou: letras) c, k e qu, tal como aliás no francês e no inglês, onde existe mais um dígrafo, o ch, para representar esse som oclusivo velar (chronique, chronicle)8.5.008