Conversa I. – Nos mar e pa nos peskador nos rikeza ... i kes 3 perdide na mar Bubista-Sal?20 março 2022

Tres peskador saí pa mar na barkin de boka-aberte

A: — Tres peskador, ten tres dia ei
ke es saí de Sal-Rei!

B:— Djadsal ka oiá-s txegá!

A: — Es ka voltá!

B: — Boti o lantxa
navezin ta navegá
Ten sinke dia!

A:— Es ka txegá Djadsal!
Guarda Marítimu ti ta prokurá
kes tres na mar sen figera.

B: — Tres tripulante de Stefaní/ Stefany ke dzeparsê
desde dia deminge na mar ke vra lonje
pamode pamode.

A:— Mar de pexe vra lonje
ke Santa Barba ja ka ta longá
ke mar e grande i ta brasá nos terra
Mas se rikeza fejí de nos bera.

B: — Barkin ta navegá na mar
xei de super naviu pesker
ta evoka imajen, konparason di mitu
na realidadi faktual
di David sen defeza kontra Golias.

A:—Barkin de boka-aberte
kontra mar poderozu
ke foi manhipai te planeta mudá
Mar de nos terra, mansoléu de vida i speransa.

(A: Soprana. B: Barítone. Exklamason oje na dia 5 ke bote na mar de megas bai i ka voltá.14-17mar) MLL